Rendera të Projektit të Restaurimit të Muzeut Arkeologjik, Korçë
Banesa Fani Kote Pjasto që funksionon sot si godinë e Muzeut Arkeologjik daton në mesin e shek XIX dhe mban statusin Monument Kulture i Kategorisë së Parë.
Projekti i Restaurimit të Muzeut Arkeologjik, Korçë është miratuar në KKTKM me Vendim Nr 271, Dt.26.07.2024.
Ndërhyrjet Restauruese konsistojnë në:

– Ndëhyrjet përforcuese në themelet e ndërtesës dhe në muraturë;
– Restaurim i çatisë në tërësinë e elementëve të saj konstruktivë;
– Restaurim i muraturës prej guri;
– Restaurim i ndërkateve;
– Restaurim i elementëve drusorë në interier.

Restaurimi dhe ndërhyrja në sitet e trashëgimisë kulturore në Voskopojë

Pamje nga Bazilika Paleokristiane e Linit

Bazilika Paleokristiane e Linit, një monument i shekullit VI përfaqëson një nga veprat më të rëndësishme të Trashëgimisë Kulturore në Shqipëri.
Kjo Bazilikë u zbulua në vitin 1967 nga një ekspeditë e muzeut të Pogradecit. Bazilika përbëhet nga naosi, dy kapela me absidë në jug dhe veri, baptiseri, atriumi, dhe një kapelë katër konkshe. Gjithë kompleksi ka dyshemetë e shtruara me mozaikë të cilët shfaqin motive gjeometrike, bimore dhe zoomorfe, ku mbizotërojnë elementët fetare. Mozaiku i Linit është një trashëgimi e çmuar kulturore dhe njëkohësisht konsiderohet si më i veçanti nga të gjithë mozaikët e tjerë me karakteristika fetare.
Sot kjo Bazilikë së bashku me mozaikun është kthyer në një pikë interesante turistike. Ekspozimi i mozaikut të Linit ka tërhequr tashmë vëmendjen e turistëve të huaj duke e bërë Linin një ndër destinacionet më të vizitura në Shqipëri.

Pjesë nga pikturat murale në Kishat e Voskopojës!

Voskopoja është e njohur për qytetërimin e saj shekullor, peisazhin e mrekullueshëm, kishat dhe afresket e shumta, të cilat bartin në vetvete një trashëgimi të çmuar kulturore. Dikur një qendër e zhvillimit ekonomik, kulturor dhe artit, plot prosperitet, njohu ritmin e tregëtisë së kohës me qendra të tjera të rëndësishme të Shqipërisë, Ballkanit dhe më tej.
Arkitektura e kishave i ka rezistuar kohës, luftrave, dëmtimit nga dora e njeriut, si dëshmimtare unike e atij qytetërimi, janë ato të cilat tregojnë vlerat e saj të papërsëritshme. Nga 22 kishat e dikurshme kanë mbetur në këmbë në Voskopojë ende pesë kisha: Kisha e Shën Athanasit, Kisha katedrale “Fjetja e Shën Marisë”, Kisha e Kryeëngjëjve, Gabriel dhe Mihael, Kisha e Shën-Kollit dhe Manastiri i Shën Prodhromit.
Voskopoja tregoi interes të veçantë për zhvillimin e gjuhës, kulturës dhe artit bizantin të kohës dhe në vite u zhvillua dhe vazhdoi të ruajë zakonet, historinë dhe traditat e krijuara prej kohësh. Një element dallues është përgatitja e punimeve të dorës bazuar në mjeshtërinë lokale dhe burimet natyrore, veçanërisht për punimin e drurit, thurrjen e veshjeve te leshta e shumë punime të tjera me vlerë.
Pikërisht këto vlera arkitektonike dhe kulturore e bëjnë fshatin e Voskopojës një ndër destinacionet më intersante për tu vizituar nga turistët vendas dhe të huaj.

Në Shtëpinë muze të Kostandin Kristoforidhit

Në Shtëpinë muze të Kostandin Kristoforidhit, në lagjen Kala, Elbasan, ku pas restaurimit të konstruksionit të çatisë, DRTKK ka vazhduar restaurimin e portës hyrëse dhe elementëve të drurit në dysheme dhe shkallë.

Restaurimi dhe ndërhyrja e çatisë në kishën e Shën Mërisë, në fshatin Lubonjë.

👷🏼‍♀️ Kur komuniteti dhe institucionet shtetërore bëhen bashkë, ka gjithnjë rezultate të mira!
🟢 Me mbështetjen e banorëve të zonës, që kanë dëshmuar një ndjeshmëri të lartë ndaj trashëgimisë, DRTK Korçë përmbylli punimet e mirëmbajtjes dhe restaurimin e çatisë në kishën e Shën Mërisë, në fshatin Lubonjë.
Çatia shfaqte dëmtime të konstruksionit dhe problematika, lidhur me lagështinë në brendinë e kishës.
Në këtë fazë të ndërhyrjes nga ekipi i mirëmbajtjes së DRTKK është realizuar ndërhyrja në të gjithë sipërfaqen e çatisë.

Restaurimi dhe ndërhyrja në urën e fshatit Niçë

Në urën e fshatit Niçë, pasuri kulturore, ku prej vitesh nuk ka pasur ndërhyrje dhe rrezikonte shembjen, ekipi i mrëmbajtjes së DRTK Korçë ka realizuar ndërhyrjen emergjente.
Në një terren të vështirë u bë i mundur realizimi i strukturës mbajtëse të urës (pajantimi).
Një falenderim i veçantë për grupin e terrenit të cilët në kushte shumë të vështira përfunduan me sukses fazën e parë të ndërhyrjes.
Gjithashtu falenderim për komunitetin e zonës për mikëpritjen e grupit të cilët qëndruan në fshatin Niçë gjatë ndërhyrjes.